Koreyada grafen asosli egiluvchan OLED-displey ishlab chiqildi

0
57

Janubiy Koreya Elektronika va telekommunikatsiyalar tadqiqot instituti grafendan OLED-displeylar uchun shaffof elektrodlar ishlab chiqilganini e’lon qildi. Institut olimlari shunday natijaga erishgan. Bu unchalik ham shov-shuvli tuyulmasligi mumkindir, biroq aslida displeylar ishlab chiqaruvchilar uchun jiddiy olg‘a siljishdir. Ikki o‘lchamli bitta uglerod atomidan ishlab chiqilgan grafenning ajoyib xususiyatlariga ko‘ra, aytish mumkinki, undan yasaladigan displeylar juda yuqa va egiluvchan bo‘ladi. Bundan tashqari, bu ekranlarni kiyimning biror qismiga tikish yoki boshqa elektronika qurilmasiga yopishtirib qo‘ysa bo‘ladi.

Grafen ajoyib aks ettirish xususiyatlariga egaligidan tashqari, yengil, pishiq va egiluvchandir. Shu bilan birga, issiqlik va elektr energiyasini o‘tkazuvchanligi ham yuqori. Aytish joizki, dunyodagi yuzlab tadqiqot guruhlari ushbu materialni turli sohalarda qo‘llash mumkinligini aniqlashmoqda.

Janubiy koreyaliklar esa grafen yordamida mavjud OLED texnologiyasini takomillashtirishga urinib ko‘rishdi va uddasidan chiqishdi. Ular indiy-qalay oksidi (ITO) elektrodlarini to‘liq grafen elektrodlariga almashtirib ko‘rishdi.

Yangilikning asosiy mohiyati shundan iboratki, ITO juda zaif hisoblanadi, grafenni esa xohlagancha bukish mumkin, bunda unga hech narsa qilmaydi. Mazkur texnologiya 370 mmga 470 mmm bo‘lgan displeyda sinab ko‘rishgan. Grafenli elektrodlar qalinligi 5 nanometrdan oshmagan.

«Bizlar ishlab chiqqan narsa egiluvchan OLED-displeylar ishlab chiqishda juda zarurdir. Ushbu texnologiya Koreya va shu kabi tadqiqotlar olib borayotgan Xitoy o‘rtasidagi farqni yanada kengaytiradi», — degan loyiha rahbari Cho Nam Sun.

manba: kun.uz

print
SHARE

Fikr bildirish

Please enter your comment!
Please enter your name here